Direktor müavinlərinin işə qəbulu üzrə elektron qeydiyyat başlayır.
Mecra.az xəbər verir ki, 24 avqust 2026-cı il saat 15:00-dan etibarən təlim-tərbiyə işləri üzrə direktor müavini və digər profillər üzrə direktor müavini vəzifəsi vakant olan dövlət ümumi təhsil müəssisələrinə işə qəbulu prosesinin elektron sənəd qəbulu mərhələsinə başlanılacaq. Namizədlər 27 avqust 2026-cı il saat 15:00-dək miq.edu.az/muavin keçidi vasitəsilə elektron qeydiyyatdan keçə bilərlər.
Müsabiqə seçim və müsahibə mərhələlərindən ibarət olacaq. Seçim mərhələsində namizədlərin təqdim etdiyi məlumat və sənədlərin düzgünlüyü yoxlanıldıqdan sonra onlar müsabiqənin müsahibə mərhələsinə buraxılacaqlar. Namizədlər müsahibəyə qaydalara uyğun olaraq ardıcıllıq əsasında dəvət olunacaqlar.
Müsahibə mərhələsində iddiaçılar aşağıdakı bacarıqlar üzrə qiymətləndiriləcəklər:
Liderlik və strateji idarəetmə
Pedaqoji və tədris
İdarəçilik və təşkilatçılıq
Ünsiyyət və əlaqə
Problemlərin həlli və qərarvermə
Rəqəmsal və texnoloji
Sosial və emosional bacarıqlar
Müsabiqədən müvəffəqiyyətlə keçmiş namizədlərlə əmək münasibətləri qanunvericilikdə müəyyən olunmuş qaydada rəsmiləşdiriləcək.
👁 29 baxış