“Cəlilabadda Heydər Əliyev Seyrəngahının giriş hissəsində Cəlilabad işıq lövhəsinin vandallar tərəfindən zədələnib.
Məcra.az xəbər verir ki, bu haqda Cəlilabad rayon İcra Hakimiyyəti tərəfindən məlumat verilib.
Bildirilir ki, 17 avqust 2023-cü il tarixdə saat 05:00 radələrində Heydər Əliyev Seyrəngahının giriş hissəsində yerləşdirilmiş “I love Cəlilabad” yazılı işıq lövhəsi 3 şəxs tərəfindən vandallıq hərəkətləri nəticəsində sındırılıb.
Polis əməkdaşlarının qısa və çevik əməliyyatları nəticəsində həmin şəxslər müəyyən edilərək məsuliyyətə cəlb ediliblər. Hal-hazırda təhqiqat işləri davam etdirilir. Həmin şəxslərin vandal hərəkətlərini ictimaiyyət qınayır və bu əməli etmiş şəxslər layiqli cəzalarını alacaqlar. Əvvəlki dövrlərdə olduğu kimi ictimai asayiş qorunacaq, dövlətin və əhalinin əmlakına dəymiş zərərlərin qarşısı ciddi şəkildə alınacaq”-deyə icra hakimiyyəti tərəfindən bildirilib.
