Cəlilabad Rayon İcra Hakimiyyətinin başçısı Rafiq Cəlilov Qarazəncir kənd stadionunda olub, orada yaradılacaq şəraitlə bağlı vəziyyətlə tanış olub.
Mecra.az xəbər verir ki, Rayon rəhbəri stadionun mövcud vəziyyətini, infrastruktur imkanlarını və ətraf ərazinin abadlaşdırılması istiqamətində görüləcək işləri nəzərdən keçirib, idman obyektinin müasir tələblərə uyğun qaydaya salınması, gənclərin asudə vaxtlarının səmərəli təşkili və idmanın inkişafı üçün zəruri şəraitin yaradılmasının vacibliyini vurğulayıb.
Rafiq Cəlilov aidiyyəti şəxslərə stadionun təmir-bərpası və digər köməkçi obyektlərin təkmilləşdirilməsi ilə bağlı tapşırıq və tövsiyələrini vermişdir.
