“Bizə yadigar qoydun “Xudayar təsnifi”ni-Vasif Əlihüseynin şeiri

Şair Vasif Əlihüseynin 44 günlük Vətən müharibəsində şəhid olan hərbçimiz Xudayar Yusifzadəyə həsr etdiyi şeiri təqdim edirik:

XUDAYARIN ŞEİRİ

Sinəni sipər etdin,
bu torpaq, bu vətənə.
onunçün oğul dedi,
bu vətən elə sənə.

nə vətən sənsiz oldu
nə də ki, sən vətənsiz
nə adız çıxar yaddan
nə də ki, siz itənsiz

oxudun vətən üçün
dedin hər şey yaxşıdı
sənintək kim dedi ki?
elə vətən yaxşıdı

çıxardığın adınla
sən düşdün handan-hana
torpağında bir şəhid
dillərində dastana

o ifanla dəyişdi
o mahnının adı da
dağıtdın sən düşmənin
“ohanyan” sədd mifini
bizə yadigar qoydun
“Xudayar təsnifi”ni.