Cəngi qəsəbəsində baş verən qəzada 5 nəfər ölüb.
Daxili İşlər Nazirliyinin Mətbuat Xidmətinin Şəki regional qrupundan Lent.az-a bildirilib ki, bu gün səhər saatlarında Qobustan rayonunun Cəngi qəsəbəsi ərazisində “Kia” markalı avtomobilin idarəetmədən çıxaraq aşması nəticəsində 1-i azyaşlı olmaqla 5 nəfər vəfat edib.
Xəsarət alan 1 nəfər isə Bakı şəhərində yerləşən xəstəxanalardan birinə göndərilib.
Faktla bağlı araşdırma aparılır.
***
09:35
Qobustanda ağır yol-nəqliyyat hadisəsi baş verib.
Lent.az xəbər verir ki, hadisə Cəngi adlanan ərazidə qeydə alınıb. Məlumata görə. “Kia” markalı minik avtomobili sürücünün idarəetməsindən çıxaraq dərəyə aşıb.
Qəza nəticəsində 2 qadın, 3 kişi olmaqla 5 nəfər ölüb.
DİN-in mətbuat xidmətinin yerli bürosundan bildirilib ki, hadisə barədə əlavə məlumat veriləcək.
Araşdırma aparılır.