Lənkəranda yol nəqliyyat hadisəsi baş verib.
“Qafqazinfo” xəbər verir ki, hadisə rayonun Xanbulan kəndi ərazisində qeydə alınıb.
Belə ki, “VAZ 21011” markalı minik avtomobili idarəetmədən çıxaraq dərəyə aşıb.
Qəzada Astara rayon sakinləri – 2005-ci il təvəllüdlü Rəhmətzadə Zamiq İsmayıl oğlu, 2001-ci il təvəllüdlü Həsənzadə Ramiq Vaqif oğlu və Lənkəranın Göyşaban kənd sakini 2006-cı il təvəllüdlü Əlizadə Məriyyəm Ceyhun qızı müxtəlif dərəcəli bədən xəsarətləri alıb.
Yaralılar Lənkəran Rayon Mərkəzi Xəstəxanasına hospitalizasiya olunaraq zəruri ilkin tibbi xidmətlər göstərilib.
Faktla bağlı araşdırma aparılır.
