Cəlilabad rayonunun Günəşli kənd bələdiyyəsinin sədri Vaqif Talıbov vəfat edib.
Mecra.az xəbər verir ki, bu barədə “Teleqraf”a onun yaxınları məlumat verib.
Bildirilib ki, o, orqanizmində yenicə aşkarlanmış xərçəng xəstəliyi səbəbindən martın 28-də dünyasını dəyişib.
Mərhum kənd qəbiristanlığında dəfn olunub.
Qeyd edək ki, V.Talıbov bu il bələdiyyə sədri seçilmişdi. O, əvvəllər “Cəlilabad-Şərab-9” Açıq Səhmdar Cəmiyyətinin qanuni təmsilçisi olub, daha əvvəllər isə kənd məntəqə seçki komissiyasının sədri vəzifəsində çalışıb.
Onu da bildirək ki, ötən il Günəşli bələdiyyəsinin sədri Fəxrəddin Cəfərov da uzun sürən xəstəlikdən sonra 68 yaşında vəfat etmişdi.
