Masallı rayon İcra Hakimiyyətinə yeni şöbə müdiri təyin olunub.
Məcra.az unikal.az-a istinadla xəbər verir ki, Masallı Rayon İcra Hakimiyyətinin Başçısı Araz Əhmədovun müvafiq Sərəncamı ilə Fəttayev Elvin Sabir oğlu Masallı Rayon İcra Hakimiyyəti Başçısı aparatının Sənədlərlə və vətəndaşların müarciətləri ilə iş şöbəsinin müdiri vəzifəsinə təyin olunub.
Fəttayev Elvin Sabir oğlu bu vəzifəyə qədər Masallı Rayon İcra Hakimiyyəti Başçısı aparatında müxtəlif vəzifələrdə işləmiş və son olaraq İnformasiya təminatı və təhlil sektorunun müdiri vəzifəsində çalışıb.
Həmçinin Masallı Rayon İcra Hakimiyyətinin başçısı Araz Əhmədovun müvafiq Sərəncamları ilə Babazadə Elxan Təvəkkül oğlu Masallı Rayon İcra Hakimiyyəti Başçısının Qızılağac kənd inzibati ərazi dairəsi üzrə nümayəndəsi və Kərimov Afəddin Ənvər oğlu Masallı Rayon İcra Hakimiyyəti Başçısının Həsənli kənd inzibati ərazi dairəsi üzrə nümayəndəsinin müavini vəzifəsinə təyin olunub.
