Məcra.az Cenub.az-a istinadən xəbər verir ki, bu gün, martın 9-da, saat 17:10 radələrində, 29 noyabr 2005-ci il təvəllüdlü Ərkivan qəsəbə sakini Tağıyeva Sevda Nahid qızı, repetitor yanından evə qayıdarkən, həmin qəsəbənin ərazisində, daha dəqiq desək, Həsənəküçə və Abbaslı məhəllələrini ayıran kənd yolunda, Qəsəbə Ərazi Dairəsinə və valideynlərinə məlum olmayan şəxs (yaxud şəxslər ) tərəfindən qaçırılıb. Sevda Tağıyeva Cəfər Cabbarlı adına Ərkivan qəsəbə 1 saylı tam orta məktəbinin 11- ci sinif şagirdidir.
Onun 18 yaşı bu ilin noyabr ayında tamam olacaq. Qızın qaçırılması haqqında məlumat Ərkivan qəsəbə Ərazi Dairəsi və yaxın qohumları tərəfindən təsdiq olunub. Olayla bağlı Masallı Rayon Polis Şöbəsinə məlumat verilib.
Sakinlərin bildirdiyinə görə, qızı qaçıran şəxslər onu Cəlilabad Rayon Dövlət nömrəli maşınla aparıblar. Masallı Rayon Polis şöbəsi operativ araşdırmaya başlayıb.