Lənkəranda kişi meyiti tapılıb.
Mecra.az xəbər verir ki, rayonun Ürgə kəndi ərazisində 1962-ci il təvəllüdlü Ramiz Bəxtiyar oğlu Əliyevin meyiti aşkarlanıb.
Belə ki, ilkin məlumata görə, rayon sakini olan R.Əliyev iki gün bundan əvvəl ov etmək məqsədi ilə həmin əraziyə gedib, geri qayıtmayıb və axtarışları aparılıb.
Axtarışlar nəticəsində onun meyiti qamışlıq olan ərazidən tapılıb.
Meyitə baxış zamanı onun baş nahiyəsində xəsarət olduğu müəyyən edilib. Xəsarətin ehtiyatsızlıqdan yıxılaraq alması və ya kimsə tərəfindən yetirildiyi məlum deyil.
Meyit daxili və xarici müayinə olunması üçün Məhkəmə Tibbi Ekspertiza və Potoloji Anatomiya birliyinin Masallı rayon şöbəsinə təhvil verilib.
Qeyd edək ki, 64 yaşlı Ramiz Əliyev Lənkəranda iş adamı kimi tanınır.
Faktla bağlı Lənkəran Rayon Prokurorluğunda cinayət işi açılıb.“Qafqazinfo”