Baku TV-nin “Kəndinə qayıt” verilişinin yeni buraxılışında Cəlilabad rayonunun dağlıq ərazisində yerləşən Alaşar kəndinə səfər edilib.
Alaşar kəndi zəngin təbiəti, bulaqları, meşələri və kənd təsərrüfatı ənənələri ilə seçilir. Sakinlərin əsas məşğuliyyəti əkinçilik və heyvandarlıqdır. Xüsusilə Alaşar soğanı və sumaq kəndin tanınan məhsulları sırasındadır.
Alaşarın əsas problemlərindən biri yolların vəziyyəti, digəri isə kənddə qaz xəttinin olmamasıdır. Sakinlərin sözlərinə görə, qış aylarında yanacaq üçün meşədən odun gətirmək xüsusilə yaşlı insanlar üçün çətinlik yaradır. Kənddə 20-dən çox bulağın olduğu, ərazinin turizm üçün əlverişli imkanlara malik olduğu da qeyd edilir.
Alaşar məktəbində bu il 11-ci sinfi bitirən dörd şagirdin hamısı ali məktəbə qəbul olub. Məktəb rəhbərliyinin sözlərinə görə, bu nəticə kənd məktəbinin son illərdə əldə etdiyi ən yüksək göstəricidir. Şagirdlərdən üçünün müəllimlik ixtisasını seçməsi, gələcəkdə kəndə qayıdaraq burada işləmək istəklərini bildirmələri də diqqət çəkib.
👁 54 baxış