Türkiyənin Afyonkarahisar vilayətinin İhsaniye rayonunda iki ayrı avtomobildə 5 nəfərin meyiti aşkarlanıb.
Mecra.az xəbər verir ki, hadisə rayonun Ayazini və Kıyır kəndlərində baş verib.
İlkin məlumata görə, ölən şəxslər pompalı tüfənglə güllələniblər. Cinayəti törətməkdə şübhəli bilinən şəxsin hadisə yerindən qırmızı rəngli avtomobil ilə qaçdığı müəyyən edilib. Şübhəlinin başqa şəhərdən gəldiyi və cinayətdən sonra Kütahya istiqamətində hərəkət etdiyi ehtimal olunur.
Hadisənin baş verdiyi kəndlərə aparan yollar jandarma əməkdaşları tərəfindən bağlanıb. Polis və jandarma qüvvələri şübhəlinin saxlanılması üçün genişmiqyaslı əməliyyata başlayıb.
Ölənlərin şəxsiyyətinin müəyyənləşdirilməsi istiqamətində işlər davam etdirilir.
***
NTV-nin məlumatına görə, silahlı hücumda ölənlərin sayı 8-ə çatıb. (Qafqazinfo).
