Xəbər verdiyimiz kimi, Azərbaycan radiosunun 100 illik yubileyi və Azərbaycan televiziya və radio işçilərinin peşə bayramı münasibətilə bir qrup media nümayəndəsi təltif edilib.
Mecra.az xəbər verir ki, təltif olunanlar arasında məşhur televiziya aparıcısı Nailə İslamzadə də var.
N.İslamzadə özünü sosial media hesabında ona göstərilən diqqətə görə Prezident İlham Əliyevə təşəkkür edib:
“Azərbaycan Respublikasının Prezidenti, Müzəffər Ali Baş Komandan cənab İlham Əliyevə mənə göstərdiyi yüksək etimada və əməyimə verdiyi dəyərə görə dərin minnətdarlığımı bildirirəm. 3-cü dərəcəli “Əmək” ordeni ilə təltif olunmaq mənim üçün böyük şərəf və qürurdur. Bu təltifin Zəfər Bayramı ərəfəsində Müzəffər Ali Baş Komandan tərəfindən verilməsi onun mənəvi dəyərini daha da artırır. Bu etimadı bundan sonra da vicdanlı əməyimlə doğrultmağa çalışacağam. Var olsun Azərbaycan! Var olsun Zəfərimizi bizə yaşadan Müzəffər Ali Baş Komandanımız!
Vasif ƏLİHÜSEYN
