Bu gün Məktəbəqədər və Ümumi Təhsil üzrə Dövlət Agentliyinin direktoru Eşqi Bağırov Astara rayonunda vətəndaşları qəbul edib.
Mecra.az xəbər verir ki, Astara rayonunda keçirilən vətəndaş qəbulunda Astara, Cəlilabad, Lerik, Lənkəran, Masallı və Yardımlı rayonlarından olan vətəndaşların müraciətləri dinlənilib. Qaldırılan məsələlərin operativ araşdırılması və aidiyyəti üzrə həllinin təmin edilməsi məqsədilə müvafiq tapşırıqlar verilib.
Bununla yanaşı, səfər çərçivəsində Agentliyin direktoru Lənkəran-Astara Regional Təhsil İdarəsinin əməkdaşları ilə də görüş keçirib. Görüş zamanı regionda təhsilin inkişaf perspektivləri, təhsilin keyfiyyətinin artırılması və idarəetmənin təkmilləşdirilməsi istiqamətində görülən işlər müzakirə olunub.
Qeyd edək ki, vətəndaş qəbullarının keçirilməsində əsas məqsəd vətəndaş məmnunluğunun artırılması, təhsil sahəsində şəffaf və əlçatan idarəetmənin təmin olunmasıdır.
