Bu gün səhər saatlarında Bakı şəhəri Sabunçu rayonu Kürdəxanı qəsəbəsində “İncioil” yanacaq doldurma məntəqəsinə yaxınlaşan “İnfiniti” sürücüsünün başına iş gəlib.
Məcra.az xəbər verir ki, avtomobil sahibi yanacaq doldurma məntəqəsindən maşınına Aİ-92 markalı benzin vurub. Bundan sonra avtomobil işə düşməyib və mühərrikində problem yaranıb. Sürücü avtomobilin yanacaq çənində olan benzini qaba boşaldıb və benzinin çirkli olduğunu bildirib.
Sürücü digər avtomobil sahiblərinə də bu yanacaq doldurma məntəqəsindən benzin almamağı tövsiyə edib. O, başına gələn problemi yanacaq doldurma məntəqəsinin səlahiyyətli şəxslərinə də bildirib.