Artıq bir neçə gündür ki, Cəlilabadın Muğan, Maşlıq və Söyüdlü kəndlərində istixana şəraitində yetişdirilən kartofun yığımına start verilib.
Məcra.az-ın cənub bölgəsində olan əməkdaşının verdiyi xəbərə görə hələ ki, bir neçə fermer kartofunu satmağa başlayıb. Aprelin sonunda isə kartofun kütləvi çıxışına başlanacaq. Hazırda “parnik” kartofun start qiyməti isə 1 manat 20 qəpikdir.
Qeyd edək ki, ölkəmizin cənub bölgəsində ən böyük kartof istehsalçısı olan Cəlilabad rayonunda sahələrdən yığılan faraş kartof yerli bazarla yanaşı, xarici ölkələrə də ixrac edilir. “Parnik” kartofun ardıyca fermerlər açıq şəkildə yetişdirilən kartofun da yığımına başlayacaqlar. 2023-cü ildə sahələrdən 160 min tona yaxın kartof məhsulu tədarük edilib.
Uğur