Bakıda qadına qarşı külli miqdarda dələduzluq edilib.
Məcra.az Lent.az-a istinadən xəbər verir ki, bu barədə Bakı şəhər sakini Samirə Aslanova polisə müraciətində bildirib.
O, müraciətində paytaxt sakini 39 yaşlı Emin Adil oğlu Quliyev tərəfindən aldadıldığını qeyd edib.
S.Aslanovanın iddiasına görə, Emin onun etibarından sui-istifadə edərək 150 min manat pulunu ələ keçirib.
Daxil olan şikayət əsasında Xəzər rayon Polis İdarəsində araşdırma aparılır.