Xalq artisti Şəfiqə Məmmədova Azərbaycan Kinematoqrafçılar İttifaqının sədri seçilib.
Mecra.az xəbər verir ki, o, səs çoxluğu ilə ittifaqın növbəti rəhbəri kimi təsdiqlənib.
Qeyd edək ki, ötən gün Xalq artisti Həmidə Ömərovanın sədrliyə namizəd olacağı ilə bağlı məlumat yayılsa da, aktrisa seçki konransında namizədliyi irəli sürməyib.
Beləliklə, Xalq artisti Şəfiqə Məmmədova yeganə namizəd kimi sədr seçilib.
Azərbaycan Kinematoqrafçılar İttifaqının seçki konfransının iştirakçılarının Prezident İlham Əliyevə müraciəti səsləndirilib. Müraciət məktubunu Xalq artisti Cəmil Quliyev oxuyub. (APA).