Lənkəran-Astara regionunda 2026–2027-ci tədris ili üzrə yeni təmayül tədris modelinin tətbiq ediləcəyi ümumi təhsil müəssisələrinə şagird qəbulu davam edir.
Mecra.az xəbər verir ki, Elm və Təhsil Nazirliyi tərəfindən həyata keçirilən təmayül tədris modelinin tətbiq ediləcəyi ümumi təhsil müəssisələrinə şagird qəbulu başlayır. Layihəyə X və XI sinif şagirdləri müraciət edə bilərlər.
Təmayül tədris modeli tam orta təhsil səviyyəsində məktəbin akademik rolunun gücləndirilməsinə, şagirdlərin ali təhsilə hazırlıq prosesinin isə məktəb daxilində daha səmərəli təşkilinə xidmət edir.
Layihə çərçivəsində ali təhsil müəssisələrinə hazırlıq prosesi birbaşa məktəb mühitində həyata keçirilir. Qəbul proqramına uyğun planlaşdırılmış tədris prosesi, intensiv dərslər və məqsədyönlü akademik dəstək şagirdlərin zəruri bilik və bacarıqları məktəb daxilində əldə etməsinə imkan yaradır.
Lənkəran-Astara Regional Təhsil İdarəsinin tabeliyində fəaliyyət göstərən aşağıdakı ümumi təhsil müəssisələrində X və XI siniflər üzrə şagird qəbulu elan edilir və məktəb adlarının yanında qeydiyyat üçün müvafiq linklər yerləşdirilib:
Astara şəhəri Ceyhun Babayev adına 3 nömrəli lisey
https://forms.gle/KvMYfGGRYR8ircCAA
Cəlilabad rayonu Göytəpə şəhəri Vasif Hüseynov adına 2 nömrəli tam orta ümumtəhsil məktəbi
Cəlilabad şəhəri Şah İsmayıl Xətai adına 4 nömrəli tam orta ümumtəhsil məktəbi
https://forms.gle/aEtFh2RtnEPSQJBY6
Lerik şəhəri Malik Bağışov adına 3 nömrəli tam orta ümumtəhsil məktəbi
https://forms.gle/LktvU4nqhchfzJWM9
Lənkəran şəhəri Rövşən Bədəlov adına 9 nömrəli tam orta ümumtəhsil məktəbi (yalnız X sinif üzrə şagird qəbulu həyata keçirilir)
https://forms.gle/3gpKABHfSrosFyDo7
Lənkəran rayonu Ədalət Hüseynov adına Vilvan kənd tam orta ümumtəhsil məktəbi
Lənkəran rayonu Liman şəhəri İlqar Mahmudov adına 1 nömrəli tam orta ümumtəhsil məktəbi
https://forms.gle/bgYvKh886Q4DRhoQ9
Masallı şəhəri İntiqam Əsgərli adına 3 nömrəli tam orta ümumtəhsil məktəbi
Masallı rayonu Bədəlan kənd tam orta ümumtəhsil məktəbi
https://forms.gle/B2e2p6ygbSVPGkcL7
Yardımlı rayonu Səmid Abiyev adına Köryədi kənd tam orta ümumtəhsil məktəbi
https://forms.gle/tdtQywufSn7Brs12A
Bu məktəblər tam orta təhsil səviyyəsində təhsilini davam etdirmək istəyən şagirdlərə müasir tələblərə cavab verən, akademik nailiyyətlərin yüksəldilməsinə və ali təhsil müəssisələrinə hazırlığın gücləndirilməsinə yönəlmiş geniş imkanlar təqdim edir.Yeni təmayül tədris modelinin əsas üstünlükləri:
Akademik nəticələrin yüksəldilməsinə yönəlmiş tədris mühiti;
Abituriyent hazırlığının sistemli və ödənişsiz təşkili;
Səriştəli müəllim kollektivi;
Aylıq sınaq imtahanlarının təşkili;
Akademik hazırlıqla yanaşı, şagirdlərin yaradıcılıq, liderlik və sosial bacarıqlarının inkişafına imkan yaradan dərnəklər.
Qəbul ümumi orta təhsil səviyyəsi üzrə buraxılış imtahanlarının nəticələri əsasında həyata keçirilir.
Təmayül tədris modeli şagirdlərin yalnız imtahan nəticələrini deyil, onların akademik, sosial və şəxsi inkişafını da dəstəkləyir.
👁 73 baxış