2016-cı il Şanlı aprel döyüşlərinin şəhidi, Xüsusi Təyinatlı Elimdar Səərovun doğulub boya-başa çatdığı Neftçala rayon Aşağı Qaramanlı kəndində mövlud günü qeyd edilib.
Mecra.az xəbər verir ki, tədbirdə şəhid ailələri, şəhidin dostları, kənd sakinləri iştirak ediblər. Elimdarı tanıyanlar onun qəhrəmanlığından, mərdliyindən söz açıblar.
Qeyd edək ki, Elimdar Səfərov 1992-ci il iyulun 26-da Yardımlı şəhərində anadan olub. O, 1993-cü ildə ailəsi ilə birgə Neftçala rayonunun Aşağı Qaramanlı kəndinə köçüb. Gizir Elimdar Səfərov 2016-cı ilin aprel ayında Azərbaycan-Ermənistan təmas xəttində baş verən atışma zamanı qəhrəmancasına şəhid olub. Aprelin 4-ü isə Elmidar Neftçala rayonunun Aşağı Qaramanlı kəndində son mənzilə yola salınıb. Elimdar Səfərov ölümündən sonra göstərdiyi qəhrəmanlığa görə Azərbaycan Respublikasının Prezidenti İlham Əliyevin Sərəncamı ilə “Hərbi xidmətdə fərqlənməyə görə” III dərəcəli medalı ilə təltif edilib.
Allah cəmi şəhidlərimizi rəhmət eləsin!
Uğur ƏLİHÜSEYN
👁 46 baxış