Cəlilabad rayonunun Göytəpə şəhərində sahibkar tərəfindən həyata keçirilən asfaltlanma işlərinə Cəlilabad Rayon İcra Hakimiyyətinin başçısı Rafiq Cəlilov tərəfindən baxış keçirilib.
Mecra.az xəbər verir ki, rayon rəhbəri işlərin gedişi ilə yerindəcə tanış olub, görülən işlərin keyfiyyəti və vaxtında icrası ilə maraqlanıb. Sahibkarın təşəbbüsü ilə reallaşdırılan layihə çərçivəsində şəhərin Həsənabad küçəsinin 550 metr və Cəlaləddin Rumi küçəsinin 300 metr hissəsində yol örtüyünün yenilənməsi işləri aparılır.
Rafiq Cəlilov asfaltlanma prosesinin sakinlərin rahatlığı və şəhərin infrastrukturunun yaxşılaşdırılması baxımından vacibliyini vurğulayıb, işlərin yüksək səviyyədə aparılması üçün müvafiq tapşırıq və tövsiyələrini verib.
Qeyd edək ki, Göytəpə şəhərində yol infrastrukturunun təkmilləşdirilməsi istiqamətində ardıcıl tədbirlər həyata keçirilir. Bu cür layihələr əhalinin həyat şəraitinin yaxşılaşdırılmasına xidmət edir.
