Bakı Dövlət Universitetinin Nəşr Evi professor İmdad Bayramovun “Psixologiya tarixi” adlı dərslyini kütləvi tirajla çap edib. Dərslik eyni adlı fənninin proqramına uyğun olaraq psixoloji biliklərin tarixi inkişaf mərhələlərini sistemli şəkildə təqdim edir.
Mecra.az xəbər verir ki, kitabda Qədim Şərq və Qərb sivilizasiyalarında psixoloji düşüncənin ilkin formaları, antik dövr filosoflarının insan və idrak haqqında görüşləri, orta əsrlərdə islam-fəlsəfi irsinin psixoloji ideyaları, yeni dövrdə elmi psixologiyanın klassik məktəblərinin formalaşması, , funksionalizm, psixoanaliz, biheviorizm, geştalt və humanist psixologiya haqqında dərin bilik və izahlar verir.
Kitabda həmçinin psixologiya elminin müasir mərhələsi, koqnitiv inqilab, neyroelmin təsiri, tətbiqi psixologiya sahələrinin inkişafı, eləcə də Azərbaycanda psixoloji fikrin tarixi və elmi məktəblərin təşəkkülü kimi actual mövzular da öz öz əksini tapmışdır. Dərsliyin elmi redaktoru BDU-nun psixologiya kafedrasının müdiri, professor Səxavət Əliyevadır.
“Psixologiya tarixi” dərsliyi ali pedaqoji təhsil müəssisələrinin tələbələri, bu sahə üzrə müəllimlər və psixologiya ilə maraqlanan oxucular üçün nəzərdə tutlmuşdur.
👁 43 baxış