Mübariz İbrahimov adına Təhsil Kompleksində Azərbaycan ədəbiyyatının görkəmli nümayəndəsi, Xalq şairi Vahid Əziz ilə görüş keçirilib.
Mecra.az xəbər verir ki, görüş çərçivəsində Təhsil Kompleksinin İcraçı direktoru Aqşin Bağırov ilə səmimi fikir mübadiləsi aparılıb, ədəbiyyatın, mənəvi dəyərlərin və gənclərin maariflənməsində kitabın rolu barədə danışılıb.
Tədbir zamanı şairin “Yaşamağa tələsməyin” adlı kitabının təqdimatı keçirilib. Müəllif kitab haqqında ətraflı məlumat verərək əsərlərində insan duyğularına, vətən sevgisinə və həyat fəlsəfəsinə xüsusi yer ayırdığını qeyd edib.
Şagird və müəllim heyətinin iştirak etdiyi görüşdə Vahid Əzizin səsləndirdiyi şeirlər və səmimi fikirlər iştirakçılar tərəfindən böyük maraqla qarşılanıb. Sonda xatirə şəkilləri çəkdirilib və müəllif tərəfindən kitablar imzalanaraq oxuculara təqdim olunub.
👁 48 baxış