Cəlilabad rayon Uşaq-Gənclər İdman Məktəbinin yetirməsi U17 Avropa çempionatında qızıl medal qazanıb.
Mecra.az xəbər verir ki, 11-17 may tarixlərində Bolqarıstanın Samokov şəhərində keçirilən U17 Avropa Çempionatında iştirak edən Lənkəran-Astara Regional Gənclər və İdman İdarəsinin nəzdində Cəlilabad rayon Uşaq-Gənclər İdman Məktəbinin sərbəst-güləş bölməsinin yetirməsi 48 kq çəki dərəcəsində Hüseyn Rzazadə qızıl medal qazanıb.
Belə ki, idmançımız finalda ukraynalı Volodimir Boykoya tam üstünlüklə qalib gələrək U17 Avropa çempionu olub. İdmançımızı və məşqçi-müəllimi Röyal Ağamalıyevi təbrik edirik.
Vasif ƏLİHÜSEYN
