Sabiq millət vəkili, milli azadlıq hərəkatının fəallarından biri, Vahid Azərbaycan Milli Birlik Partiyasının sabiq sədri Hacıbaba Əzimov vəfat edib.
Mecra.az “Yeni Sabah”a istinadla xəbər verir ki, o, tarix elmləri doktoru, professor, Lənkəran Dövlət Universitetinin yaradıcısı və ilk rektoru olub.
Qeyd edək, Hacıbaba Əzimov 1938-ci il avqustun 1-də Lənkəran şəhərində doğulub. Bu dəqiqələrdə Bakı şəhərində yerləşən Təzəpir məscidində mərhumla vida mərasimi keçirilir. Onun Yasamal qəbiristanlığında dəfn olunacağı bildirilir.
