Mədəniyyət Nazirliyinin tabeliyində fəaliyyət göstərən musiqi, incəsənət, bədii sənətkarlıq, rəssamlıq, muğam və aşıq məktəb və mərkəzlərinə müəllimlərin işə qəbulu üzrə xüsusi müsabiqə davam edir.
Mecra.az xəbər verir ki, bu barədə nazirlik məlumat yayıb.
Bildirilib ki, müsabiqə Mədəniyyət Nazirliyinin 2024-cü il 5 aprel tarixli, 3-24/3-1-f-84/2024 nömrəli əmri ilə təsdiq edilmiş “Müəllimlərin işə qəbulu və yerdəyişməsi Qaydaları” na əsasən keçirilir.
Qeydiyyat 3–17 oktyabr tarixlərində Dövlət İmtahan Mərkəzinin portalında aparılacaq.
Ətraflı məlumat Mədəniyyət Nazirliyinin və Dövlət İmtahan Mərkəzinin rəsmi saytlarında yerləşdirilib.
👁 baxış