Mecra.az şair Vasif Əlihüseynin “Şəhid çəkmələri” adlı şeirini təqdim edir:
Altında palçığı,
canında dərisi quruyub
Şəhid çəkmələrinin
Qolları yanına düşüb bağlarının
hələ də gözləyirlər o ayaqları
Bir şəhid anası
oğlunun çəkməsində
gül əkib
Ordan alır oğlunun qoxusunu
Bir şəhid xanımı
Ərinin saatını taxıb qoluna
Hələ də gələcəyi vaxtı gözləyir
İlk görüşdükləri yerdə
İndi çox peşmandı
Əsgər ayağını sıxan çəkmələr
👁 baxış