Cəlilabadda özündən çıxan ər qayınatasının evinə hücum edib.
Beləki, sentyabrın 16-da axşam saatlarında Cəlilabad rayonunun Pərdi kəndində rayonun Muğan kənd sakini 36 yaşlı Qulaməli Əmənovla keçmiş həyat yoldaşı və qohumları arasında münaqişə baş verib.
Mecra.az xəbər verir ki, Qulaməli Əmənov münaqişə zəminində keçmiş həyat yoldaşı Ə.Quliyevaya, onun qardaşı və bacısına bıçaqla yüngül xəsarətlər yetirib. Xəsarətləri əsasən əl və qol nahiyələrindən aldıqları bildirilir.
Hadisəni törədən Qulaməli Əmənovun saxlanılması istiqamətində polis əməkdaşları tərəfindən tədbirlər görülür.