Sentyabrın 2-də İsmayıllı rayon Mican kəndində ölümlə nəticələnən bədbəxt hadisə baş verib.
“Qafqazinfo” xəbər verir ki, kənd sakini 61 yaşlı Murad Hümmətov yaşadığı evin həyətində dil nahiyəsindən arı sancması nəticəsində ölüb.
Faktla bağlı araşdırma aparılır.
***
Hadisə ilə bağlı Tibbi Ərazi Bölmələrini İdarəetmə Birliyindən (TƏBİB) sorğumuza cavab olaraq bildirilib:
“Ötən gün saat 13:00 radələrində 1964-cü il təvəllüdlü kişi İsmayıllı Rayon Mərkəzi Xəstəxanasının Təcili tibbi yardım şöbəsinə hospitalizasiya olunub. Həkim briqadası tərəfindən onun xəstəxanayaqədər ölüm faktı qeydə alınıb”.