Vətən Müharibəsi Qəhrəmanı, Xüsusi Təyinatlı Qüvvələrin komandanı general-mayor Ələkbər Cahangirov Aprel döyüşləri şəhidi, Azərbaycanın Milli Qəhrəmanı Samid İmanovun ev-muzeyini və dəfn olunduğu yeri ziyarət edib.
Mecra.az xəbər verir ki, general-mayor Ələkbər Cahangirov qəhrəman şəhidimizin əziz xatirəsini ehtiramla yad edib, onun həyat və döyüş yolunu əks etdirən muzey ekspozisiyaları ilə tanış olub. O, Samid İmanovun Azərbaycan gəncləri üçün qəhrəmanlıq nümunəsi olduğunu xüsusi vurğulayıb.
Ziyarət çərçivəsində general-mayor şəhidin ailə üzvləri ilə görüşüb, onların qayğı və ehtiyacları ilə maraqlanıb. Daha sonra Samid İmanovun dəfn olunduğu məzarı ziyarət olunub, xatirəsinə ehtiram əlaməti olaraq gül dəstələri qoyulub və xatirə şəkilləri çəkdirilib.
