Artıq bir neçə gündür ki, Cəlilabad rayonunda payızlıq kartof əkininə start verilib.
Mecra.az xəbər verir ki, rayonun ayrı-ayrı kəndlərində 590 hektar sahədə kartof əkilib.
Fermerlər qeyd ediblər ki, kartof məhsulunun yığımı dekabr ayında başlayacaq.
Onu da xatırladaq ki, bu il rayonda 3100 hektardan çox yazlıq kartof əkilib. Bu əkindən 93044 ton məhsul əldə edilib. Yığılan məhsulun 46236 ton, 2314 maşın xarici ölkə bazarlarına ixrac olunub. Rayonda həmçinin bu il 380 hektar qarğıdalı əkilib.
Vasif ƏLİHÜSEYN