Cəlilabadda birinci Qarabağ şəhidi İsmayılov Elçin Ədalət oğlunun anası vəfat edib.
Mecra.az xəbər verir ki, bu haqda Vətən müharibəsi iştirakçısı və Cəlilabad İcra Hakimiyyətinin şəhid ailələri ilə işin təşkili şöbəsinin müdiri Fizuli Cəfərov məlumat verib:
“1994-cü ildə Qarabağ savaşı zamanı şəhid olan İsmayılov Elçin Ədalət oğlunun anası Sifeyrə ana bu gün vəfat etdi. Sifeyrə ana hər zaman bizə doğma anamız qədər əziz olub. Onun son vəsiyyəti bu idi: “Məni dəfn edərkən cənazəmi Azərbaycan bayrağına bürüməyinizi xahiş edirəm”. Sifeyrə ana bu vəsiyyəti ilə bir daha bizlərə bayrağa, dövlətə və Vətənə bağlılıq dərsi verdi. Rayon rəhbərliyi və öz adımdan, Sifeyrə ananın ailə üzvlərinə dərin hüznlə başsağlığı verirəm. Məkanı cənnət olsun! Allah şəhidlərimizə rəhmət eləsin! Ünvan: Təklə kəndi,dəfn saat 10-da olacaq”.
Hazırladı: Uğur ƏLİHÜSEYN