Bakının Sabunçu rayonu Hüseynbala Ağaverdiyev adına 113 nömrəli kənd tam orta məktəbində məktəbli formalarının satışına start verilib.
Bu haqda Məcra.az-a adının çəkilməsini istəməyən valideynlərdən biri məlumat verib. Redaksiyamıza daxil olan məlumatda bildirilir ki, məktəbli formalarının satışına görə artıq sinif rəhbərləri valideynlərə pulu hazırlamalarıyla bağlı məlumat və formaların şəkillərini göndəriblər.
Məktəbli formaları aşağı siniflər şagirdləri üçün 30, yuxarı sinif şagirdləri üçün isə 70 AZN-dir. Çox maraqlıdır ki, məktəbli formalarını məktəb niyə satsın ki, məktəbli formalarıyla bağlı axı şəhərdə mağazalar var.
Məsələylə bağlı məktəb rəhbərliyinin mövqeyini öyrənmək cəhdlərimiz baş tutmadı. Biz yenə də qarşı tərəfi də dinləməyə hazırıq.
Məcra.az