Xalq artisti, balaban ifaçısı, hazırda Türkiyədə yaşayan Əlixan Səmədov Məcra.az-a açıqlamasında ordumuzun həyata keçirdiyi “Qisas” əməliyyatının qardaş Türkiyədə insanlar tərəfindən necə qarşılanmasından danışıb. Əlixan Səmədov bu sualı öz tələbəsi Eyyubcana ünvanlayıb və o, bununla bağlı fikirlərini bizimlə belə bölüşüb:
“Hər zaman olduğu kimi yenə Türkiyədəki insanlar Azərbaycandakı qardaşlarını tam olaraq dəstəkləməkdədirlər. Mən xəbərləri oxuyanda dua edirəm, Allah ordakı əsgərlərimizin köməyi olsun. Könül istəyər ki, heç bu “Qisas”a ehtiyac qalmasın, problemimiz kökündən həll edilsin, bitsin. Onsuz da biz nə etsək də qisasımızı ala, keçmişdən gələn yaralarımızı nə etsək, sağalda bilmərik. Allah ordakı hərbçilərimizin dayağında olsun”-deyə o, bildirib.