Masallıda ölümlə nəticələn yol-nəqliyyat hadisəsi baş verib.
Məcra.az xəbər verir ki, hadisə Ələt-Astara magistralında, Masallı rayonu ərazisində qeydə alınıb.
Belə ki, “Mercedes VİTO” markalı minik avtomobili yolu keçmək istəyən rayonunun Sərçuvar kənd sakini 1980-cı il təvəllüdlü Məhərrəm Əlihüseyn oğlu Seyfiyevi vurub.
Sürücü piyadanı avtomobili ilə Lənkəran Rayon Mərkəzi Xəstəxanasına çatdırıb. Buna baxmayaraq M. Seyfiyev aldığı xəsarətlərdən ölüb.
Faktla bağlı araşdırma aparılır (qafqazinfo.az).
