Rusiya, Çin və ABŞ liderləri Vladimir Putin, Si Cinpin və Donald Tramp arasında üçtərəfli sammit noyabrın 19-da Çinin Şençjen şəhərində baş tutacaq.
Mecra.az “Qafqazinfo”ya istinadla xəbər verir ki, bunu Rusiya Prezidentinin mətbuat katibi Dmitri Peskov deyib.
Kremlin sözçüsü liderlərin görüşü ilə bağlı yekun razılaşmanın əldə edildiyini təsdiqləyib.
“Prezident Putin, Sədr Si Cinpin və Prezident Tramp arasında noyabrın 19-da üçtərəfli görüşün keçirilməsi barədə razılıq əldə olunub. Bu görüş Şençjendə keçiriləcək Asiya-Sakit Okean İqtisadi Əməkdaşlıq Təşkilatının (APEC) sammiti çərçivəsində baş tutacaq”, – deyə Peskov bildirib.