“Qanunsuz silahlı erməni separatçılarına qarşı anti-terror əməliyyatları aparılmalıdır. Bunları bizim torpaqlardan təmizləməliyik. Çünki dəfələrlə xəbərdarlıq etsək də, qulaq asmadılar, torpaqlarımızdan çıxmadılar”
Bunu Məcra.az-a açıqlamasında tanınmış ictimai xadim, Tibb Universitetinin (ATU) dosenti Rəşid Mahmudov deyib. R.Mahmudov erməni silahlı birləşmələrinin hər addımda ordumuz tərəfindən belə darmadağın ediləcəyini bildirib:
“Erməni silahlıları bizim ordumuzun qarşısında tab gətirə bilməz. Onların arxasında kim durursa dursun, bunun fərqi yoxdur. Ermənilərin cəhd etdikləri hər bir təxribatın cavabı belə sərt olacaq. Dünənki atışmada təəssüf ki, ordumuzun əsgəri şəhid oldu. Mən şəhid əsgərimizin ailəsinə səbr diləyirəm. Amma buna əmin olsunlar ki, ordumuz tərəfindən şəhidimizin qisası alındı. Nə qədər ki, ermənilər bizim dediklərimizin əksini etməyə cəhd edəcək, sonları belə olacaq”.
Vasif Əlihüseyn