“Şəxs indi ölməyib, hadisə iyulun 24-də baş verib”.
Manset.az xəbər verir ki, bunu oxu.az-a açıqlamasında Baş Prokurorluğunun Mətbuat xidmətinin rəhbəri Günay Səlimzadə deyib.
O, faktla bağlı Yasamal Rayon Prokurorluğunda araşdırma aparıldığını diqqətə çatdırıb:
“Yasamal rayonu, Hüseyn Cavid prospekti 85 ünvanında yerləşən “Kiğılı” geyim mağazasının əməkdaşı olduğu dəqiqdir. Anbar otağında tapılıb, hazırda ölümün səbəbini müəyyən etmək məqsədilə məhkəmə-tibbi ekspertizası təyin edilib. Ekspertizanın nəticəsi isə 20 günə müəyyənləşəcək”.
09:47
“Ölən şəxs bizim filial müdiri deyil, yalan məlumatdır”.
Məcra.az xəbər verir ki, bunu Oxu.Az-a “Kiğılı” geyim mağazasından bildiriblər.
“Binada belə hadisə baş verib və burada bir neçə mağaza var. Yəni hadisənin “Kiğılı” ilə əlaqəsi yoxdur. Şəxsin isə hansı müəssisədə işlədiyini bilmirik”, – deyə məlumatda qeyd olunub.
09:10
Bakıda məşhur mağaza şəbəkəsinin filial müdirinin anbarda meyiti tapılıb.
Məcra.az“Qafqazinfo”ya istinadən xəbər verir ki, hadisə bir neçə gün əvvəl Yasamal rayonu, Ə. Haqverdiyev küçəsi, 566-cı məhəllə ünvanında yerləşən “Kiğılı” geyim mağazasında qeydə alınıb. Belə ki, “Elmlər” filialının mağaza müdiri olan 1991-ci il təvəllüdlü Rəşid Əliyev anbarda ölü tapılıb.
Onun hansı şəraitdə və hansı səbəbdən vəfat etməsi hələlik məlum deyil, faktla bağlı araşdırma aparılır.