2016-cı il Şanlı aprel döyüşlərində qəhrəmancasına şəhid olan Xüsusi Təyinatlı hərbçi Pəncəli Teymurovun ailəsinə ağır itki üz verib.
Məcra.az xəbər verir ki, şəhidimizin atası Nurməhəmməd Teymurov uzun sürən xəstəlikdən sonra dünyasını dəyişib.
Qeyd edək ki, şəhidimizin atası qaraciyər xəstəliyindən əziyyət çəkdiyi üçün ötən il Milli Onkologiya Mərkəzinə yerləşdirilmişdi.
Xatırladaq ki, şəhid Pəncəli Teymurov 2016-cı il aprelin 11-də doğulduğu Astara rayonunun Əzərüd kəndində torpağa tapşırılıb. 1981-ci il təvəllüdlü Pəncəli Teymurov hərbi xidmətini başa vurduqdan sonra könüllü olaraq, xidmətini davam etdirib. Yüksək bacarıq və peşəkarlığı, nümunəvi xidməti nəzərə alınaraq o, 24 iyun 2015-ci ildə Azərbaycan Respublikası Prezidentinin sərəncamı ilə “İgidliyə görə” medalı ilə təltif olunub. 2016-cı il Şanlı aprel döyüşləri zamanı isə qəhrəmancasına şəhid olub. Ölkə başçısının göstərişi ilə ölümündən sonra “Vətən uğrunda” medalıyla təltif edilib.
Səbinə Qürbətli