2 oktyabr 2026-cı il tarixdə Cəlilabad Rayon İcra Hakimiyyətinin başçısı Rafiq Cəlilov tərəfindən vətəndaş qəbulu keçirilib.
Mecra.az xəbər verir ki, Azərbaycan Respublikasının Prezidenti cənab İlham Əliyevin dövlət idarəçiliyində vətəndaş məmnunluğunun təmin edilməsi, insanların müraciətlərinə həssaslıqla yanaşılması və onların problemlərinin operativ həlli ilə bağlı müəyyən etdiyi prinsiplərə uyğun olaraq, Cəlilabad Rayon İcra Hakimiyyəti tərəfindən vətəndaşlarla mütəmadi görüşlərin keçirilməsi və müraciətlərinin yerindəcə dinlənilməsi diqqət mərkəzində saxlanılır.
Qəbul Cəlilabad Rayon İcra Hakimiyyətinin inzibati binasında keçirilib. Görüşdə Rayon İcra Hakimiyyəti aparatının əməkdaşları, aidiyyəti idarə, müəssisə və təşkilatların nümayəndələri iştirak ediblər.
Qəbul zamanı rayonun müxtəlif yaşayış məntəqələrindən müraciət edən sakinlərin sosial, məişət, infrastruktur və digər məsələlərlə bağlı müraciətləri dinlənilib.
Rayon rəhbəri tərəfindən vətəndaşların müxtəlif məzmunlu müraciətləri diqqətlə dinlənilmiş, onların qaldırdıqları məsələlərlə bağlı qanunvericiliyin tələbləri izah olunmuş, qaldırılan məsələlərin operativ araşdırılması və həlli üçün aidiyyəti şöbə və idarə rəhbərlərinə tapşırıqlar verilmişdir.
