“Bu il müəllimlik ixtisasına qəbul sayı 3690 yer azaldılıb”.
Mecra.az xəbər verir ki, bunu elm və təhsil naziri Emin Əmrullayev yeni tədris ilinə dair keçirdiyi mətbuat konfransında bildirib.
O bildirib ki, bu tədris ilində ali məktəblərə 76 mindən çox nəfər qəbul olub: “Strategiyanın 75 000 hədəfi vaxtından əvvəl yerinə yetirilib, qəbul planı artır. Müəllimlik ixtisasına 7540 yer ayrılıb. Bu ixtisasa qəbul sayı 3690 yer azaldılıb və əmək bazarının tələblərinə uyğunlaşdırılıb. Artıq müəllimlik rəqabətli peşəyə çevrilir. Biz gələcəkdə bu ixtisasın daha rəqabətli peşəyə çevrilməsini istəyirik”. (Qafqazinfo).