Cəlilabad rayonunda zəncirvari yol-nəqliyyat hadisəsi baş verib.
Mecra.az xəbər verir ki, qəza magistral yolun Cəlilabad rayonundan keçən hissəsində qeydə alınıb.
Belə ki, iki minik avtomobili ilə mikroavtobus toqquşub. Qəza nəticəsində 2 qadın və 1 kişi Cəlilabad Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.
TƏBİB-dən bildirilib ki, yaralananlara bədənin müxtəlif nahiyələrinin çoxsaylı travmaları diaqnozu qoyulub.
Hazırda onların müalicəsi Təcili tibbi yardım şöbəsində davam etdirilir və vəziyyətləri stabil qiymətləndirilir.
Faktla bağlı araşdırma aparılır (Qafqazinfo).
👁 41 baxış