Tədbirdə Cəlilabad Rayon İcra Hakimiyyətinin başçısı Rafiq Cəlilov, mətbuat nümayəndələri, televiziya əməkdaşları və rayon ictimaiyyətinin nümayəndələri iştirak edib.
Mecra.az xəbər verir ki, tədbir iştirakçıları əvvəlcə Ümummilli Lider Heydər Əliyevin abidəsini ziyarət edərək, abidə önünə gül dəstələri düzüb və əziz xatirəsini ehtiramla yad ediblər.Cəlilabad Rayon İcra Hakimiyyətinin inzibati binasında davam edən tədbirdə RİH başçısı Rafiq Cəlilov çıxış edərək Azərbaycan milli mətbuatının keçdiyi şərəfli inkişaf yolundan, jurnalistlərin cəmiyyətin maarifləndirilməsi, ictimai məsələlərin işıqlandırılması və dövlət-vətəndaş əlaqələrinin möhkəmləndirilməsindəki mühüm rolundan danışıb.
Bildirib ki, Ümummilli Lider Heydər Əliyev tərəfindən mətbuata daim xüsusi diqqət və qayğı göstərilib, bu siyasət Azərbaycan Respublikasının Prezidenti cənab İlham Əliyev tərəfindən uğurla davam etdirilir. Ölkəmizdə söz və fikir azadlığının təmin olunması, media sahəsinin inkişafı və kütləvi informasiya vasitələrinin maddi-texniki bazasının möhkəmləndirilməsi üçün mühüm addımlar atılır.
Rafiq Cəlilov Cəlilabad rayonunun ictimai-siyasi, sosial-iqtisadi, kənd təsərüfatı və digər sahələrində görülən işləri mütəmadi olaraq işıqlandırdıqları üçün jurnalistlərə təşəkkür edib.Tədbirdə rayonun ictimai-siyasi və media nümayəndələrinin çıxışları dinlənilib. Çıxış edənlər mətbuatın milli suverenliyin qorunmasında, informasiya təhlükəsizliyində və vətəndaş cəmiyyətinin formalaşmasında oynadığı mühüm rolu vurğulayıblar.
Mətbuat nümayəndələri onlara göstərilən diqqət və qayğıya görə Prezident cənab İlham Əliyevə və Birinci vitse-prezident Mehriban Əliyevaya minnətdarlıqlarını bildiriblər.
Sonda tədbir iştirakçılarına hədiyyələr təqdim edilib.
