2025-2026-cı tədris ili başa çatdığı üçün bu gün respublikamızın ümumtəhsil müəssisələrində, o cümlədən Cəlilabad rayonunda “Son zəng” tədbirləri keçirilib.
Mecra.az xəbər verir ki, bu il Cəlilabad rayonu üzrə 2117 nəfər 11-ci sinif şagirdi məzun olub. Lənkəran-Astara Regional Təhsil İdarəsinin Cəlilabad rayon təhsil sektorunun müdiri İlkin Zeynalov “Son zəng” tədbirini Cəlilabad rayonu Əfilağa Həsənov adına Günəşli kənd 2 nömrəli tam orta ümumtəhsil məktəbinin məzunları ilə qeyd edib.
Tədbirdə şəhid ailə üzvləri, Cəlilabad Rayon İcra Hakimiyyəti Başçısının Günəşli Kənd İnzibati Ərazi Dairəsi üzrə Nümayəndəsi İlqar Həsənov, uzun müəddət məktəbin direktoru vəzifəsində çalışmış, dəyərli ziyalı Kəramət Həsənov valideynlər və məktəb kollektivi iştirak ediblər.
Bu münasibətlə bütün məzunlarımızı, valideynləri müəllimlərimizi təbrik edirik!
👁 51 baxış