Cəlilabadda Zəfər Gününün beşinci ildönümü münasibəti ilə konsert proqramı təşkil ediləcək.
Mecra.az xəbər verir ki, bu haqda Cəlilabad rayon İcra Hakimiyyəti məlumat yayıb.
Bildirilir ki, 8 noyabr 2025-ci il tarixdə saat 15:00-da Cəlilabad Rayon İcra Hakimiyyətinin və Cəlilabad bələdiyyəsinin birgə təşkilatçılığı ilə Heydər Əliyev Seyrəngahında Zəfər Gününün beşinci ildönümü münasibətilə konsert proqramı təşkil olunacaqdır.
Konsert proqramında respublikanın tanınmış müğənniləri və rayon mədəniyyət mərkəzinin musiqi kollektivi çıxış edəcəkdir. Sonda isə möhtəşəm atəşfəşanlıq təşkil olunacaqdır.
Hər bir rayon sakinini və rayonumuzun qonaqlarını Tarixi Zəfərimizə həsr olunmuş konsert proqramına və bu möhtəşəm Qələbənin sevincini bizimlə bölüşməyə dəvət edirik.
👁 baxış