AZCON Holding şirkətlərindən olan “Azərpoçt” MMC poçt markasının tarixinə və inkişafına həsr olunmuş “Səssiz ünsiyyət” adlı bədii-sənədli filmin təqdimatını keçirib.
Mecra.az xəbər verir ki, tədbirdə rəsmi heyət, ictimaiyyətin tanınmış nümayəndələri, filmin yaradıcı komandası və media nümayəndələri iştirak ediblər. Film Azərbaycanın poçt markasının yaranma tarixindən bu günə qədər keçdiyi inkişaf mərhələlərini özündə əks etdirir.
Ekran əsərində ünsiyyətin ilkin formaları, qədim Misir və Roma dövrlərində çaparlar vasitəsilə xəbərlərin ötürülməsi, eləcə də markanın “səssiz ünsiyyət vasitəsi” kimi xalqların və dövlətlərin rəsmi simvolu kimi qəbul olunmasından danışılır; həmçinin filmdə keçmişdən bugünə qədər buraxılmış ən müxtəlif marka buraxılışları əyani şəkildə təqdim olunur.
Hazırladı: Vasif ƏLİHÜSEYN
