Xəbər verdiyimiz kimi, sentyabrın 6-sı Biləcəri qəsəbəsində yük avtomobilinin körpüdən aşması nəticəsində ağır yol-nəqliyyat hadisəsi baş verib. Hadisə zamanı həmin ərazidən keçən 92 nömrəli marşrut avtobusunun sürücüsü peşəkarlıq göstərərək sərnişinləri təhlükədən xilas edib.
“Qafqazinfo”nun məlumatına görə, avtobus sürücüsü Vüsal Məmmədov hadisə barədə İTV-yə danışıb.
O bildirib ki, 3-4 saniyə geciksə idi, çox şey dəyişə bilərdi.
“Biləcəridən Əcəmi istiqamətinə gedirdim, işıqforun yanında dayanmışdım. Qırmızı işıq yandığı üçün hərəkət yox idi. Gördüm, yuxarıdan içərisi boru ilə dolu tır gəlir, avtobusu dərhal arxa istiqamətə hərəkət etdirdim ki, sərnişinləri xilas edim. Zərbənin təsiri ilə qabırğalarım ağrayır. Sərnişinlərdən isə xəsarət alan olmayıb. Sərnişin daşıyan sürücü diqqətli olmalıdır. Özümlə bərabər 70-80 nəfər can daşıyırdım”, – V.Məmmədov qeyd edib.
Daha ətraflı videomaterialda: