Mecra.az xəbər verir ki, son illər bu sahədə əkin sahələri genişləndirilir.
Çiyələk məhsulu əsasən təzə halda ixrac olunur. Məhsulun erkən yetişməsi (aprel-may aylarında) Azərbaycan çiyələyinə beynəlxalq bazarlarda üstünlük qazandırır. Yığılan məhsulun böyük hissəsi xarici bazarlara, əsasən Rusiya və ərəb ölkələrinə ixrac olunur.
2025-ci ildə Cəlilabad rayonunda 650 hektar sahədə çiyələk əkilib ki, bu da əvvəlki illə müqayisədə artım deməkdir. Əvvəlki il bu rəqəm 607 olmub. Çiyələk sahələrindən 18265 ton məhsul əldə olunub. Ondan 16217 ton, 1187 maşın xarici ölkə bazarlarına ixrac edilib.
Çiyələk istehsalı ilə 700-dən çox fermer məşğul olur.
Bunula yanaşı, mövsümi yığım dövründə minlərlə kənd sakini üçün iş imkanı yaranır. Həmçinin, 2022-ci ildən Cəlilabadda “Çiyələk Festivalı” keçirilir. Festival çərçivəsində fermerlər məhsullarını təqdim edir, kulinariya nümunələri, canlı musiqi və xalq sənətləri sərgilənir və yerli turizmin inkişafına dəstək verilir.
Vasif ƏLİHÜSEYN
👁 baxış