“Bu, mənim Prezident Trampla birinci görüşümdür. Görüş çox səmimi şəkildə keçdi”.
Mecra.az xəbər verir ki, bunu Azərbaycan Prezidenti İlham Əliyev Vaşinqtonda keçirdiyi brifinqdə deyib.
Dövlət başçısı qeyd edib ki, Tramp Azərbaycan haqda çox məlumatlıdır: “Sözün düzü, onun Azərbaycanla bağlı bilgiləri məni təəccübləndirdi. O, bir çox məsələləri dərindən bilir. Cənab Tramp Azərbaycanın önəmini, onun geosiyasi əhəmiyyətini, Azərbaycanın ABŞ-yə həmişə dost ölkə olmasını çox yaxşı bilir. Əlbəttə ki, bizim münasibətlərimizdə şəxsi təmaslar önəmli rol oynayacaq
Və təbii ki, 907-ci düzəlişin ləğvi tarixi hadisədir. Hesab edirəm ki, artıq strateji əməkdaşlıq formatına başlamağımız da tarixi hadisədir. Mən səfərin nəticələrindən çox məmnunam. Əminəm ki, səfərin konkret nəticələri yaxın gələcəkdə özünü biruzə verəcək”.