İsti Havalarda Heyvanlara Su Verək!
Yay aylarında təkcə insanlar deyil, küçələrdə yaşayan sahibsiz heyvanlar da dözülməz istidən əziyyət çəkir. Onların ən çox ehtiyac duyduğu şey – sudur!
Küçə heyvanları isti havalarda su tapa bilmədikləri üçün susuzluqdan əziyyət çəkir, bəzən həyatlarını belə itirirlər. Biz isə çox sadə bir addımla – bir qab su ilə onların həyatını dəyişə bilərik.
Cəlilabad Bələdiyyəsinin təşəbbüsü, Kommunal Müəssisələr Kombinatının dəstəyilə 07 avqust 2025-ci il tarixdə “Bir Qurtum Su, Bir Can Həyat” aksiyası keçirilib. İsti havalarda küçə heyvanlarının susuzluqdan əziyyət çəkməməsi üçün Cəlilabad şəhər ərazisinə su qabları qoyulmuşdur.
Gəlin birlikdə bu aksiyaya qoşulaq:
✅ Evimizin, binamızın qarşısına bir qab təmiz su qoyaq.
✅ Su qablarını gündəlik təmizləyək və dolduraq.
✅ Dostlarımızı və qonşularımızı da bu aksiyaya dəvət edək.
✅ Sosial şəbəkələrdə şəkillər paylaşaraq maarifləndirmə aparaq.
✅ Uşaqlarımıza mərhəmət hissini aşılayaq.
👁 baxış